Samoa Beat

samoa_beat.jpg

Ua fa’aataata mai I le finau o taaloga netipolo a le asosi o tama ma teine aoga a le iunivesite aoao a Samoa le tele o le taleni o loo I le iunivesite.

 

O le susuga i le kapeteni o le au a le fuaiala o faapisinisi ma fefaatauaiga na ia taua, ua tele le siisii o le fa’agatama i le iunivesite.

 

Na ia taua, “E toatele nisi o alo ma fanau e ono avea ma avefu’a o le atunuu e ala lea I le taaloga Netipolo , o loo aooga ma aotauina I le Iunivesite Aoao o Samoa.”

 

O le au a le F.O.B.E, e toalua sui na avea muamua ma sui o Samoa I taaloga fa’avaomalo.

 

Toe taua e Tolupeni, “I le faatinoina o le taamilosaga netipolo i totonu o le tatou iunivesite na maitauina ai le maualuga o le tulaga ua oo iai le taumafaiga a alo ma fanau i le nei foi faaagatama.”

 

E iu na tutusa le iuga o le suega siamupini, na molimauina le finau ma le mataalia o taaalo o alo ma fanau mai le au o le fuaiala o Faapisinisi ma Fefaatauaiga.

 

Na faalia e le kapeteni o le au malosi mai i le Fuaiala o Faapisinisi ma Fefaatauaiga le mafuaaga na faatumauina ai pea le lelei tele o le puipui ma le tali atu a lana au i le la suega siamupini ma le au malosi a le fuaiala o matataesesese.

 

Na ia taua foi, e faapea o le lava o le manava ma le lelei lea o le vaai i le taimi ao faatinoina le taaloga.

 

Ua ia tua foi , “O le toatele lava o sui a lana au sa taaalo mai lava i le tausaga ua mavae, ao nisi o sui sa taalo i au a kolisi maualuluga.

 

Lea sa ia taumafai ai loa tu’ufatasi ma faamaopopo ina mautu ai ma atoatoa le lelei o le latou au mo lenei taaamilosaga Netipolo a le Iunivesite Aoao o Samoa.