Samoa Beat

samoa_beat.jpg

E uiga ese le iuga na oo iai le suega siamupini I le va o le Fuiala o Faapisinisi ma fefaatauaiga ma le fuaiala o matata eseese I le taaloga netipolo a le N.U.S.S.A.

Sa maitauina le finau o lea taaloga, lea na tutusa ai le suega siamupini I ai e tai 16.

I le maea ai o lea taaloga na tulai mai ai se vevesi I le va o nei au.

Na fa’amanino mai e le N.U.S.S.A, o le fe’ese’eseaiga, na tulai mai ina ua manu’a se tasi o sui o le au a le F.O.T.E.

Na taumafai le latou kapeteni e faia se sui faatopetope mo lana teine na manu’a, lea na te’ena e sui o le isi au.

Na vave ona tali mai le laulauafono a le Asosi o Tama ma Teine Aoga a le Iunivesite e ala lea I le faamalamalamaina o tulaga I totonu o le malae aemaise ai le taaloga.

O lea tulafono, e magalua. O lo’o faitau e faapea:

“E le mafia ona sui se tama poo se teine taalo a se au a’o faagasolo se kuata o le taaloga.”

Peita’i, o lo’o iai ma le aiaiga e faapea, “A fai ua manu’a se tasi o tama poo se teine taalo, e faia e le susuga I le laufali le faaiuga ma le faatagaga.”

I lea mataupu, na faataga e susuga I laufali le faia o se suiga aua le puipuia o le manu’aga o le sui o le au a le F.O.T.E na lavea ao faauauau le taaloga.

I le maea ai o le taaloga, na tulai mai ai o le taaloga e 16 I le 15, manumalo le F.O.B.E. Peita’i, na toe Iloilo le mataupu e le N.U.S.S.A ma faailoa ai, na iai se lape I le fesootaiga I le va o le laulau o loo faitauina ai, ma le susuga o le laufali.

O le ala lea na toe fono faatopetope ai au nei e lua ma le laulau a le N.U.S.S.A.

Na tuu e faaopopo ia le taimi e faaauau ai lea taaloga ae peitai ane e lei mafai ona e iai tuatuagia faaleaoaoga a nisi o tamaitai taaalo.

Na foai atu e le Fuaiala Faapisinisi le malo I le Fuaiala o le Faamatataeseese ae lei manao ai, lea na toe foai mai foi lea e le Fuaiala o Faamatataeseese I le Fuaiala Faapisinisi ae teena foi.

O lea na faia ai loa e le laulauafono a le N.U.S.S.A se faaiuga e faatutusa le taaloga ma na malilie uma ai foi au e lua faapea ma latou taitai.