Samoa Beat

samoa_beat.jpg

Ua siitia le tulaga ua oo iai le tamilosaga lakapi i totonu o le Iunivesite Aoao o Samoa i lenei tausaga.

I le maualuga o le tulaga ua oo iai le taaloga lakapi i totonu o le Iunivesite aoao o Samoa, ua siitia ai foi le tulaga o seleni e faaaluina i faailoga tupe mo au o lo'o tausinio I lea taamilosaga.

DSC_0133.jpg

Taua e le taitai o ta’aloga a le N.U.S.S.A ia Kolose Soga, “O le auga lava ina ia maua le avanoa e tama ma teine o loo aooga I le Iunivesite e faaali a latou taleni.”

Na taua foi e Soga ua maea ona faataatitia fuafuaga mo isi taaloga I lesi afa o le tausaga aoga o loo loma nei e aafia ai le netipolo, soka ma le tai toa fitu.

O loo una’I le asosi o tagata aooga a le Iunivesite ina ia auai ma le itupa o tamaitai I taaloga e faatinoina.

E valu au o loo auai i le taamilosaga o lenei tausaga, e aofia ai le au mai le F.O.B.E, F.O.A, F.O.S, C.S.S, F.O.E, F.O.T.E, F.O.N, faapea ai ma le au a le polokalame fa'atusitala.

Mai i nei au e valu e nao le fa au ua taaalo e sailia ai ni au se lua mo le suega siamupini

O lea la ua faatoilalo ai e le au malosi o le fuiala o faapisinisi le au a le fa'atufugaga i ai e 20 i le 10.

Na malolo ai le au a le fa'asaienisi i le au a le fa'afaiaoga, i ai e 12 i le 23.

O le a taaalo au nei e lua I le suega siamupini I le toe a’e mai o aoga mai le malologa o aoga.

I le maea ai la o le taamilosaga lakapi ua iai le fuafuaga a le NUSSA mo isi taaloga mo le lumanai aua lava le faaogaina o taleni a alo ma fanau.