Samoa Beat

samoa_beat.jpg

O loo aoaoina alo ma fanau o le Iunivesite Aoao a Samoa i le faaaogaina o le upega tafailagi i se auala saogalemu e faatautaia ai fefaatauaiga o oloa ma auaunaga.

O le faaaogaina o auala faatekonolosi e aofia ai le upega tafailagi o loo aoaoina e se tasi o faiaoga a le Iunivesite Aoao a Samoa e avea ma fesoasoani mo fefaatauaiga.

O Mose Mose o ia lea e ana le upega tafailagi ua taua o le Makeki Online, lea o loo tele na faia ai fefaatauaiga a le atunuu.

I se semina sa faia I se semina talu ai nei, sa ia taua ai le taua fesootaiga o le Makeki Online ma le ICT4D (Information Communication Technology for Development) poo faamaumauga ma fesootaiga faatekonolosi mo atinae.

“O le upega tafailagi o se tasi lea o auala vave e fesootai ai mo fefaatauaiga,” o le faamatalaga lea a Mose.

E fa ni vaega na vaevaeina ai le semina.

O le faaaogaina lea o fa’amaumauga ma fesootaiga faatekonolosi mo atinae. O le mataituina o le faatupulaia pea o le agai I luma ole televave ole auaunaga faatekonolosi.  O masini komipiuta ma telefoni feaveai ma le taua o upega tafailagi e faafaigofieina o fefaatauaiga.

Na taua e Mose: “E so’o se taimi lava e tatala ai lea auaunaga ma e mo soo se tagata.”             

O le Makeki Online sa faavaeina ia Ianuari I le tausaga e 2014, ma e silia ma le 29,000 tagata o loo fefaatauai ai i lea itulau.

*O Kopelani Faamanu o se sui o le vasega tusitala I le Iunivesite Aoao a Samoa.