Samoa Beat

samoa_beat.jpg

O le faasao o le vaomatua o loo i Falealupo I Savaii ua avea ma se mitamitaga I alii ma faipule o le afioaga, ona manulauti na ala ai ona avea nei vaega o le afioaga ma faasao.

Na asia ele polokalame o faatusitala a le Iunivesite Aoao o Samoa, le Faasao ma molimauina ai le tulaga lelei male alualu I luma ole atinae oloo iai.

I le 1997 na avea ai le vaomatua I Falealupo ma faasao poo se reserve I le gagana peretania ona o le naunautaiga o taitai o le nuu ina ia faatumauina le malu puipuia o laau ma manu o loo feola ai I totonu.

O le latou manulauti ina ia puipuia le tele o manu ma laau eseese o loo iai so latou sao taua I le siosiomaga o loo nonofo ai ma tagata poo le ‘biodiversity’.

E 50 tausaga ole maliega ale afioaga mase tasi o alii mai Amerika ia Cox ina ia faatumauina le taua o laau ma manu oloo feola ai I totonu.

O nisi o laau ma manu eleo maua I nisi afioaga ma nisi togavao oloo maua uma I totonu o le Faasao e pei ole laau ole tamanu male manulele ole lupe sina.

Na taua e Fuiono Falemalu Kenina ole afi lava le popolega tele ile nuu ina nei faatamaia ai le Faasao ma aafia ai ola eseese oloo iai totonu.

Ole taina I lalo o laau male tapueina o manu ose solitulafono foi lea I totonu ole nuu ma e tuuina iai faasalaga ua uma ona fa’ataatitia mo ia vaega.

“E o’o lava i meatuaolo o lo’o tata’a I totonu o le nei vaomatua ua matua fa’asa lava. E sala I le nu’u pe a maua se isi ua na tuli manu I totonu o le faasao, ona ua malamalama Falealupo I lo latou taua tele I le siosiomaga.”

Na faatuina le auala laupapa ina ua malaga mai nisi o tagata suesue mai Amerika ma talitonu ai ile tulaga ese oloo iai le togavao ale afioaga male faamoemoe ia tosina atu turisi ma ia fai se sao mole atunuu.

Ole faatosina mai o tagata tafafao maimoa mai fafo ina ia maua ai se seleni mole afioaga na ala ai na faatu le auala laupapa.

Na taua foi e Fuiono le tulaga ole seleni oloo maua mai ile Faasao, oloo tuuina ile tusitupe aua mea e manaomia mole toe faaleleia ole Faasao male Auala Laupapa ma sina vaega mole tausiga ole nuu.

Na taua e Fuiono, “e tavavae ese lava le totogi mo leoleo o le faasao, o le mea e totoe ai,, ua teu lea I le tusitupe faapitoa lava mo le vaomatua ua maea ona tapenaina, nei moomia I le lumanai.”

Ile tulaga o fesoasoani mole Faasao , oloo maua mai seleni mai tama fanau ale nuu oloo I atunuu I fafo. E tagi I lima le galuega a le afioaga.

I le taimi nei, o lo’o manaomia e Falealupo le lagolago a le malo I le latou galuega.