Samoa Beat

samoa_beat.jpg

E ui i le i le mamao o Peretania ae ua mafai ona auina atu iai suauu popo o loo gaosia i le afioaga o Tafua Tai, Savaii.

Sa auala maiile i le faálapotopotoga a tina fai pisinisi poo le women in business lea fesoasoani.

Na ta’ua e le pule a le women in business , Salafai Gillian Stewart, o lona malaga atu i Savaii na ia vaaia ai le matagofie o faatoaga male tele o ituaiga oloa eseese ua mafai ona gaosia mai ai .

“E aoga tele mo tagata e leai ni malamalamaaga i faatoaga, a omai e matamata ma iloa ai nisi o metotia e faatino ai nei poloketi aua le tausiga o aiga.

“Na matou fesoasoani atu ia Lefu Peniamina Asiata ma lona aiga e faavae lana pisinisi suauupopo i le i le ono masina talu ai, o le taimi lenei ua mautu lelei lana poloketi ma ua faatau atu i le body shop o lo o i Peretania ma latou gaosia ai ni oloa anagata ua oo atu ini atunuu mamao”

Sa ia feiloai atu ai loa ia Lefu Peniamina Asiata ma lona aiga ma faatuina ai loa lea poloketi suauu popo ma latou auina atu ai loa ni masini vilipopo, e faafaigofieina ai le galuega.

Na faigata foi ia Asiata ona faaaooga lana fanau, o le ala lea na ia naunau ai e uunai lenei atinae.

”Ile taimi o ou pulenuu sa ou vaaia poloketi a isi nuu ma ou mafaufau ai loa e faatuina ai lau poloketi suauupopo."

Na saunoa Lefu, o le faáfitauli autu lava o le taimi e utiuti ai le popo me le lava ai le suauú e sapalai atu.

Sa faaaopopo mai Lefu ole a toe faalautele lana poloketi mole lumanai e fesoasoani atu ai i lona afioaga e ala lea i le i le mauaina o avanoa faigaluega.

“E 150 tala le tau o le paelo suauu e tasi lona uiga e ova ma male 10,000 tala le tupe e maua i le i le tausaga”